ಸ್ನೇಹ...

ಗೆಳೆಯರಾಗಲಿ..

ಗೆಳತಿಯರಾಗಲಿ...

ನಡುವಿನ ಅಗಾಧ ಪ್ರೀತಿಯ

ಕೊಂಡಿಗೆ ಸ್ನೇಹವೆನ್ನಬಹುದೇ..?

ನಮ್ಮ ಮನಸಿನ ಸಂತಸ

ಚಿಕ್ಕದಾದರೂ ಸರಿ,

ಅತಿ ದೊಡ್ಡದಾದರೂ ಸರಿ..

ಹಂಚಿಕೊಳ್ಳಲು ಮೊದಲು

ಹುಡುಕುವ ವ್ಯಕ್ತಿಯ ಬಂಧಕೆ,

ಸ್ನೇಹ ಎನ್ನಬಹುದೇ..?

ಹೃದಯವು ಕೊರಡೆನಿಸಿ,

ಗಂಟಲು ಬಿಗಿ ಹೆಚ್ಚಿ,

ಮಾತುಗಳು ಹೊರಬರದೇ,

ಮೌನಕೆ ಶರಣಾಗಿ ಅನುಭವಿಸುವ

ನೋವನ್ನು ಹಂಚಿಕೊಳ್ಳುವ ಬಂಧಕೆ

ಸ್ನೇಹ ಎನ್ನಬಹುದೇ..?

ಹಾಲ್ಮನಸಿನ ಪುಟಾಣಿಗಳಿಂದ

ಮುಪ್ಪಿನ ಮುದುಕರವರೆಗೂ,

ಮಾತನಾಡಿದಷ್ಟು ಮತ್ತೆ ಮತ್ತೆ,

ಮಾತನಾಡುವ ಹಾಗೂ

ತಂಪಾದ ಗಾಳಿಯಂತೆ ಹಾಯೆನಿಸುವ

ನಿರ್ಮಲ,ನಿಸ್ವಾರ್ಥ ಬಂಧಕೆ

ಸ್ನೇಹ ಎನ್ನಬಹುದೇ..?